ایہ سال ترقیاتی کماں دا سال ہوئے گا:میاں اظہر

لہور (پنجابی میڈیا گروپ) پی ٹی آئی دے سینئر رہنما تے سابق گورنر پنجاب میاں اظہر نے آکھیا اے کہ حکومت ایس دفعہ عوام دوست بجٹ لیائے گی۔ ایہ سال ریکارڈ ترقیاتی کماں دا سال ہوئے گا تے مہنگائی وی گھٹ ہونا شروع ہو جائے گی۔ پچھلے سالاں وچ وزیر اعظم نے غریب عوام دی بھلائی لئی جیہڑے وی کم کیتے سابق حکمراناںدے لاڈلیاں تے مافیا نے روڑے اٹکائے۔ہن اینج نہیں ہوئے گا۔عمران خان مافیاز تے قبضہ گروپاں نوں نتھ پاون وچ کامیاب ہو جان گے۔ایہ گلاںاوہناں نے پچھلے دن این اے 126وچ پی ٹی آئی سمن آباد ٹائون دی سینئر نائب صدر فارینا عامر ولوں عشائیہ دے موقع اُتے کارکناں نال خطاب کردئیاں ہوئیاںکیتیاں۔ ایس موقع اُتے پی ٹی آئی دے سینئر رہنما میاں عامر،شگفتہ ساجد،انیس سرور،میاں عمر، ملک رئوف،عمر محبوب تے خواتین کارکناں دی وڈی تعداد موجود سی۔

اپنا تبصرہ گھلو