کورونا پاروں77 افرادجاں بحق،موتاں21 ہزار توںودھ گیاں
اسلام آباد( پنجابی میڈیا گروپ) کوروناوبا دے باعث مزید 77 افراد جاں بحق ہوگئے جد کہ اک ہزار توں زائد مثبت کیسز رپورٹ ہوئے نیں۔نیشنل کمانڈ اینڈ آپریشن سینٹر ولوں جاری کردہ اعداد و شماردے مطابق پچھلے 24 گھنٹیاں دے دوران 43 ہزار 900 کورونا ٹیسٹ کیتے گئے جہدے بعد مجموعی ٹیسٹس دی تعداد 13,663,666 ہوگئی اے۔پچھلے 24 گھنٹیاں دے دوران ملک بھر وچ مزید اک ہزار 118 مثبت کیسز رپورٹ ہوئے نیں۔ ایس طرحاں پاکستان وچ کورونا دے مصدقہ مریضاں دی تعداد 936,131 ہوگئی اے۔سرکاری اعداد و شمار دے مطابق ہن تیک سندھ وچ 3 لکھ 25 ہزار 110 ، پنجاب وچ 3 لکھ 43 ہزار 031، خیبر پختونخوا وچ اک لکھ 34 ہزار 928، اسلام آباد وچ 81 ہزار 871، بلوچستان وچ 25 ہزار 961 ، آزاد کشمیر وچ 19 ہزار 566 تے گلگت بلتستان وچ 5 ہزار 664 افراد وچ کورونا وائرس دی تشخیص ہوئی اے۔سرکاری اعداد و شمار دے مطابق ایس ویلے ملک بھر وچ کورونا دے فعال مریضاں دی تعداد44 ہزار 987 اے۔ جد کہ3 ہزار توں زائد مریضاں دی حالت تشویشناک اے۔ ملک وچ کورونا دے مثبت کیسز دی شرح 2.54 فیصد اے۔پچھلے 24 گھنٹیاں دے دوران ملک بھر وچ کورونا پاروں مزید 77 افراد جاں بحق ہوگئے نیں۔ جہدے بعد ہن ایس وباء وں جاں بحق ہون والے افراد دی تعداد مجموعی طور تے 21 ہزار 453 ہوگئی اے۔





















