ہن تک1کروڑ لوکاں نوں ویکسین لگ چکی اے: اسد عمر
اسلام آباد(پنجابی میڈیا گروپ ) وفاقی وزیربرائے منصوبہ بندی اسد عمر نے آکھیااے کہ سرکارپاکستان نے اپنے لوکائی نوں اک کروڑ کورونا ویکسین لگان دا ہدف مکمل کرلیا اے۔اسد عمرہوراں نے آکھیا اے کہ لوکائی دے نال اپیل اے کہ اوہ جلد ویکسین لگوان لین تاکہ پابندیاں وچ نرمی کیتی جا سکے۔ نیشنل کمانڈ اینڈ آپریشن سینٹر وچ منعقدہ تقریب وچ میڈیا نوں دسیا کہ ایس سال دے آخر تیک سات کروڑ افراد نوں ویکسین لگان دا ہدف اے۔ روزانہ تن لکھ دے نیڑے افراد نوں ویکسین لگائی جاندی اے ۔ اسدعمر نے اپیل کیتی کہ عوام لازمی اپنی رجسٹریشن کران تاکہ کورونا وبا نوں پھیلن توں روکیا جاوے ،خطرہ ہنی ٹلیا نہیں ، ہنی وی 3ہزار دے نیڑے لوکائی وینٹی لیٹر اتے نیں ۔ سرکار نوں لوکائی دے تعاون دی لوڑ اے تاکہ وباء دے خلاف مل کے لڑیا جا سکے۔سربراہ این سی اوسی اسد عمر دی ملک بھر دے شہریاں دے نال کورونا ویکسی نیشن دی اپیل کیتی۔





















