پاکستان دی چین نال پکی یاری اے: آرمی چیف
راولپنڈی( پنجابی میڈیا گروپ)آرمی چیف جنرل قمر جاوید باجوہ نے چین دے سفیر نال ملاقات کیتی اے۔ سپہ سالار نے آکھیا کہ پاکستان اپنے آزمودہ دوست چین نال تعلقات نوں نہایت اہمیت دیندا اے۔ کورونا ویکسین این اُتے چین دے شکر گزار آں۔
پاک فوج دے شعبہ تعلقات عامہ دے مطابق دوناں رہنماواں دے درمیان ملاقات وچ باہمی دلچسپی دے کماں تے پاک چین اقتصادی راہداری(سی پیک)اُتے ہون والی پیشرفت اُتے تبادلہ خیال کیتا گیا جدکہ علاقائی سیکیورٹی تیافغان امن عمل اُتے وی گل بات ہوئی۔
آئی ایس پی آر دے مطابق آرمی چیف جنرل قمر جاوید باجوہ نے کورونا دے خلاف جنگ وچ چین دے تعاون دا شکریہ ادا کیتا۔ سپہ سالار نے پاک چین سفارتی تعلقات دی70ویں جنم دیہاڑ اُتے چین وچ تقریب اُتے وی مبارکباد دتی۔
ایس موقع اُتے چینی سفیر نونگ رونگ نے خطے وچ امن واستحکام لئی پاکستان دی مخلصانہ کوششاں نوں سراہیا تے افغان امن عمل وچ پاکستان دیاں کوششاں دی وی تعریف کیتی۔





















