اداکارہ میرا قبضہ گروپ دے شکنجے وچ آگئی

لہور (سٹی رپورٹر)اداکارہ میرا وی قبضہ گروپ دے شکنجے وچ آگئی۔جہدے توں نجات لئی اداکارہ میرا نے قبضہ گروپ دے ارکان دے خلاف سی سی پی او لہور غلام محمود ڈوگرکے کول انداراج مقدمہ دی درخواست دائر کردتی اے۔ اداکارہ میرا نے آکھیا کہ ایم ایم عالم روڈ گلبرگ اتے ایہدی جائیداد اے جہڑا ایس نے کرائے اتے رکھی سی پر ہن کرائے داراںنے ایہدے اتے باقاعدہ قبضہ کرلیا اے تے اداکارہ میرا دے مطابق ملزمان نے ایہدی والدہ دے کولوں زبردستی انگوٹھے لگوا کے جائیداد ہڑپ کرن دی کوشش کیتی اے۔لہٰذا ایس نوں واگزار کروایاجاوے۔