پاکستان توں پولیو ختم ہونا وڈی کامیابی اے: آرمی چیف

راولپنڈی(پنجابی میڈیا گروپ)آرمی چیف جنرل قمر جاوید باجوہ دے نال پولیو اوورسائیڈ بورڈ دے سربراہ کرسٹوفرنے ملاقات کیتی جہدے دوران پولیو خاتمے لئی پاکستان دی کوششاں تے اقدامات اتے وچار کیتا گیا۔پاک فوج دے شعبہ تعلقات عامہ (آئی ایس پی آر) دے مطابق آرمی چیف جنرل قمر جاوید باجوہ نے پاکستان توں پولیو دے خاتمے لئی ہیلتھ ورکرز دی خدمات نوں سراہیا، ایہناں داآکھنا سی کہ پولیو دا پاکستان توں خاتمہ قومی مقصد تے کوشش اے۔ پولیو اوورسائیڈ بورڈ دے سربراہ نے انسداد پولیو مہم لئی پاک فوج دے تعاون دی تعریف کیتی۔واضح روے کہ پاکستان وچ انسداد پولیو مہم دے مثبت اثرات ویکھن وچ آ رہے نیں، رواں سال پولیو دا صرف اک کیس رپورٹ ہویا اے جدکہ پچھلے برس ملک وچ 84 پولیو کیسز پائے گئے سن۔اک موقع اتے آرمی چیف ہوراں نے آکھیا اے کہ پاکستان توں پولیو دا مکمل خاتمہ قومی مقصد تے کاوش اے،