صحت وچ پاکستان ہوراں ملکاں توں پیچھے رہ گیا اے،اقتصادی سروے

اسلام آباد(پنجابی میڈیا گروپ) اقتصادی سروے دے مطابق خطے دے ہوراں ملکاں حتیٰ کے افغانستان وی صحت دے اعداد و شمار وچ پاکستان توں اگے ہیگا اے۔ میڈیا رپورٹ دے مطابق کووِڈ19 نے ملک وچ صحت دے ڈھانچے دا امتحان لیا تے ایس شعبے وچ ہور سرمایہ کاری دی ضرورت دی نشاندہی کیتی۔سال2017وچ متوقع عمر66.9سال سی جیہڑی2019وچ ودھ کے67.3سال ہوگئی سی لیکن ایہ شرح ہن وی ہوراں ملکاں توں پیچھے اے۔دُوجے پاسے پچھلے3سال دے عرصے وچ نوزائیدہ بالاں، زچہ دی شرح اموات دے علاوہ آبادی ودھن دی شرح وی گھٹ گئی اے۔ صحت دے اشاریاں وچ خطے دے ہور ملکاں دی پیش رفت غیر معمولی تصویر ظاہر کردی اے جس وچ پاکستان اندرنوزائیدہ بالاں دی شرح اموات اک ہزار وچ55.7،افغانستان وچ46،بھارت وچ28،بنگلہ دیش وچ25،چین وچ7جدکہ سری لنکا وچ6 اے۔5 سال توں گھٹ عمر دے بالاں دی اموات دی تعداد پاکستان وچ69بال فی ہزار اے جدکہ افغانستان وچ ایہ تعداد60،بھارت وچ34،بنگلہ دیش وچ30،بھوٹان وچ28،چین تے سری لنکا وچ7، 7 اے۔