مالی سال2021-22: بھاشا تے داسو ڈیم لئی84ارب10کروڑ مختص

اسلام آباد ( پنجابی میڈیا گروپ) مالی سال2021-22دے بجٹ وچ بھاشا تے داسو ڈیم لئی84ارب10کروڑ مختص کیتے گئے نیں۔بجٹ دستاویزات دے مطابق مالی سال2021-22دے بجٹ وچ دیامر بھاشا ڈیم تے داسو ڈیم لئی84ارب10کروڑ روپے مختص کیتے گئے نیں۔سندھ دے چھوٹے ڈیماں لئی25 ارب روپے رکھے گئے نیں۔کچھی کینال،آواران،وینڈر تے پنجگور ڈیم لئی8ارب20 کروڑ روپے متخص کیتے۔پنجاب وچ غیر تے پپین ڈیم لئی3ارب65کروڑ روپے مختص کیتے گئے۔دستاویزات دے مطابق ٹرانسمیشن سسٹم دی اپر گریڈیشن لئی100ارب روپے مختص کیتے گئے نیں،کراچی دے کے ٹو،کے تھری کوسٹل پاور پراجیکٹ لئی16ارب50کروڑ روپے رکھے گئے نیں۔تربیلا پنجویں توسیعی منصوبے لئی بجٹ وچ4ارب60کروڑ روپے مختص کیتے گئے نیں جدکہ سکھی کیناری منصوبے توں بتی لین لئی5ارب50کروڑ روپے مختص کیتے گئے۔