موسمیاتی تبدیلیاں نال نمٹن لئی اپنے حصہ توں ودھ کم کر رہے آں: وزیراعظم
لہور( پنجابی میڈیا گروپ)وزیر اعظم عمران خان ہوراں آکھیا کہ پاکستان موسمیاتی تبدیلیاں نال نمٹن لئی اپنے حصہ توں ودھ کم کررہیا اے تے اوس دے پیچھے اپنی آن والیاں نسلاں بارے وچ سوچ وچار کر رہیا اے۔
سماجی رابطے دی ویب سائٹ ٹویٹر اُتے وزیر اعظم عمران خان نے12۔2011دے وفاقی وزارت موسمیاتی تبدیلیاں دے بجٹ نال آئندہ مالی سال دے بجٹ دا ٹیبل دیندیاں ہوئیاں آکھیا کہ آئندہ مالی سال لئی وزارت موسمیاتی تبدیلیاں دا بجٹ14ارب50کروڑ روپے توں ودھیا ایجدکہ پیپلز پارٹی دے دور وچ12۔201اندر ایہ بجٹ5کروڑ سی۔
عمران خان نے آکھیا کہ13۔2012وچ ایہ بجٹ13کروڑ50لکھ روپے سی۔مسلم لیگ(ن)دے دور وچ پہلے سال14۔2013وچ ایہ بجٹ6کروڑ87لکھ روپے15۔2014وچ ایہ بجٹ2کروڑ51لکھ،16۔2015وچ3کروڑ97لکھ،17۔2016وچ2کروڑ70لکھ تے مالی سال18۔2017وچ81کروڑ50لکھ روپے تےآخری مالی سال19۔2018وچ80کروڑ26لکھ روپے رکھے گئے۔
اوہناں آکھیا کہ پی ٹی آئی دی حکومت دے پہلے مالی سال20۔2019وچ7ارب57کروڑ90لکھ،21۔2020وچ6ارب تے ہنمالی سال22۔ 2021 لئی14ارب50کروڑ روپے رکھیگئے نیں۔





















