بجٹ نال صرف حکومتی اے ٹی ایم نوں فائدہ ملے گا، شاہد خاقان عباسی

کراچی( پنجابی میڈیا گروپ) سابق وزیر اعظم تے(ن)لیگ دے سینئر نائب صدر شاہد خاقان عباسی ہوراں آکھیا کہ ایہ اے ٹی ایم بجٹ اے ایس نال صرف حکومتی اے ٹی ایم نوں فائدہ ملے گا۔
کراچی وچ پریس کانفرنس دے دوان شاہد خاقان عباسی دا کہنا سی کہ مالی سال22-2021لئی پیش کردہ بجٹ وچ کوئی نویں گل نہیں ، شوکت ترین نے اوہی بجٹ تقریر کیتی جیہڑی اوہناں نے12سال پہلاں پیپلز پارٹی دے دور وچ کیتی سی،ایہ پاکستان دی تریخ وچ پہلی حکومت اے جیہڑی جھوٹ بول کے کم چلارہی اے، بجٹ دی بنیادای جھوٹ اُتے اے، ماضی وچ وی حکومتی آمدن دے دعوے غلط ثابت ہوئے نیں۔ بجٹ دا سارا انحصار ملک دی آمدنی نوں24فیصد ودھان اُتے اے، اثاثے ویچ کے آمدنی نوں نہیں ودھایا جاسکدا۔ ن لیگ دے5سال وچ خسارہ ساڑھے7ہزار ارب سی جد کہ پی ٹی آئی حکومت دے3سال وچ خسارہ10ہزار ارب توں ودھ چکیااے، جیہڑے حقائق پیش کیتے،چیلنج کردااوں کہ کوئی وزیرایس نوں جھٹلانہیں سکے گا۔

اپنا تبصرہ گھلو