وزارت خارجہ دے افسر دا غیر ملکی ایجنسیاں نوں مخبری کرن دا انکشاف

اسلام آباد( پنجابی میڈیا گروپایڈیشنل اٹارنی جنرل نے عدالت وچ بیان دتا اے کہ وزارت منصوبہ بندی دے18ویںگریڈ دا افسر قلب عباس غیرملکی انٹیلی جنس لئی کم کر رہیا اے۔ میڈیا دے مطابق اسلام آباد ہائی کورٹ وچ وزارت خارجہ دے چینی ڈیسک اُتے ڈیپوٹیشن اُتے کم کرن والے سرکاری افسر نے اپنی ضمانت لئی درخواست دائر کیتی، عدالت وچ ملزم دے خلاف درج کیتی گئی ایف آئی آر پیش کیتی گئی، جس وچ آکھیاگیا اے کہ وزارت منصوبہ بندی دے18ویں گریڈ دا اہلکار قلب عباس 3سال توں وزارت خارجہ وچ ڈیپوٹیشن اُتے تعینات سی، تے وزارت خارجہ وچ چائنا ڈویژن دے ڈپٹی ڈائریکٹر دی حیثیت نال کم کر رہیا سی۔ایف آئی آر دے متن وچ اے کہ ملزم سفارت کاراں تے غیر ملکی انٹیلی جنس ایجنسیاں دے عہدیداراں نال ملاقات کردا رہیا تے ریاست دے تحفظ تے مفادات دے حوالے نال خفیہ معلومات،دستاویزات اوہناں نوں فراہم کردا رہیا اے۔ ایڈیشنل اٹارنی جنرل نے عدالت وچ بیان دتا کہ ملزم نوں آفیشل سیکریٹ ایکٹ دی سیکشن3تے4دے تحت درج مقدمے وچ حساس معلومات لیک ہون دے الزاماںدا ساہمنا اے۔ شواہد توںواضح اے درخواست گزار غیرملکی انٹیلی جنس حکام لئیکم کر رہیا اے،تے ایس دے خلاف مقدمے وچ آفیشل سیکریٹ ایکٹ دی خلاف ورزیاں دے علاوہ عوامی اعتماد دی خلاف ورزی اُتے دفعہ409وی لگائی گئی اے۔

اپنا تبصرہ گھلو