عثمان بزدار نال(ن)لیگ تے پیپلزپارٹی دے اراکاناں دی ملاقات

لہور( پنجابی میڈیا گروپ)(ن)لیگ تے پیپلزپارٹی دے اراکان صوبائی اسمبلی نے وزیراعلی پنجاب عثمان بزدار نال ملاقات کیتی ۔وزیراعلی پنجاب عثمان بزدار نال مسلم لیگ(ن)تے پیپلزپارٹی دے اراکین صوبائی اسمبلی دی ملاقات ہوئی، جنہاں ارکان اسمبلی نے وزیراعلی پنجاب نال ملاقات کیتی اے اوہناں وچجلیل احمد شرقپوری،اشرف انصاری،غیاث الدین،فیصل نیازی،رئیس نبیل احمد،غضنفر عباس تے اظہر عباس چانڈیا شامل سن۔ملاقات دے دوران منتخب نمائنداں نے وزیراعلی عثمان بزدار نون حلقیاں تیعلاقیاںدے مسائل توں آگاہ کیتا تے وزیراعلی عثمان بزدار نے اراکین اسمبلی نوں مسائل ترجیحی بنیاداں اُتے حل کرن دی یقین دہانی کرائی۔عثمان بزدار نے آکھیا کہ سازشاں کرن والیاں دی منفی سیاست ہمیشہ لئی دفن ہو چکی اے،ہن افراتفری نہیں بلکہ عوام دی خدمت دی سیاست چلے گی، میرے دروازے سب لئی کھلے نیں،پنجاب دا نوا بجٹ صوبے دی عوام لئی ترقی و خوشحالی دا نیا باب رقم کرے گا، صوبے دی تریخ وچ ترقیاتی بجٹ وچ ریکارڈ اضافہ کیتا جارہیا اے، ہر ضلع دے لئی علیحدہ ترقیاتی پیکیج بنایا گیا اے،کسی ضلع دی حق تلفی نہیں ہون دیا ںگے۔

اپنا تبصرہ گھلو