سوائے سندھ دے پورے ملک وچ ترقی ہورہی اے:چیف جسٹس

کراچی( پنجابی میڈیاگروپ) چیف جسٹس پاکستان گلزار احمد نے ریمارکس دتے کہ سوائے سندھ دے پورے ملک وچ ترقی ہورہی اے۔
چیف جسٹس آف پاکستان دی سربراہی وچ سپریم کورٹ دے3رکنی بنچ نے کراچی رجسٹری وچ شارع فیصل اُتے نسلہ ٹاور تجاوزات کیس دی سماعت کیتی۔ جسٹس اعجاز الحسن ہوراں آکھیا کہ تُسی لوکاں نے سروس روڈ اُتے بلڈنگاں تعمیر کردتیاں؟ بلڈر دے وکیل نے آکھیا کہ پل دی تعمیر اُتے سڑک دا سائز گھٹکیتا گیا سی۔
چیف جسٹس گلزار احمد نے آکھیا کہ شارع فیصل دا سائز کدی گھٹ نہیں ہوئیا، شارع نوں وسیع کرن لئی تے فوجیاں نے وی زمین دے دتی سی،سارے رفاعی پلاٹاں اُتے پلازے بن گئے،سمجھدے نیں عدالت نوں پتا نہیں چلے گا؟ حکومت کیتھے اے ؟؟ کون ذمہ داری لئے گا ؟؟؟ جیہڑا پیسہ دیندا اے اوس دا کم ہوجاندا اے چاہے جتنا وی غیر قنونی کم کیوں نہ ہوئے،ہن وی دھندا چل رہیا اے ایس بی سی اے دا کم چل رہیا اے، کراچی اُتے کینیڈا توں حکمرانی کیتی جارہی اے تے شہر دا سسٹم کینیڈا توں چلایا جارہیا اے،یونس میمن سندھ دا اصل حکمران اے،وہی چلا رہیا اے سارا سسٹم۔
چیف جسٹس نے غصے نال آکھیا کہ ایہ ہندا اے پارلیمانی نظام حکومت ؟ اینج دی ہندی اے حکمرانی ؟؟؟ تہاڈی حکومت اے ایتھے کس دی حکومت اے ؟ تُسی لوگ نالے صاف نہیں کرسکدے، صوبہ کس طرح چلائوگے ؟ دو سال ہوگئے اپنا نالہ صاف نہیں کرسکے،گورننس نام دی شے نہیں اے ایتھے۔

اپنا تبصرہ گھلو