کراچی :نالیاں دی چوڑائی ودھ کرن اُتے کم شروع کرن دا حکم
کراچی( پنجابی میڈیا گروپ)اورنگی تے گجر نالہ کیس وچ سپریم کورٹ نے کراچی وچ نالیاں دی چوڑائی ودھ کرن اُتے کم شروع کرنے دا حکم دے دتا۔ عدالت نے متاثرین دی معاوضے تے آپریشن روکن دی درخواست مسترد کردئیاں ہوئیاں نالیاں اُتے حکم امتناع وی کالعدم قرار دے دتے۔سپریم کورٹ کراچی رجسٹری وچ اورنگی تے گجر نالہ کیس دی سماعت ہوئی۔ دوران سماعت چیف جسٹس گلزار احمد نے ریمارکس دتے کہ کراچی اُتے کینیڈا توں حکمرانی کیتی جا رہی اے، یونس میمن سندھ دا اصل حکمران اے،ایڈووکیٹ جنرل اسیں تہاڈے نال گل کر رہے واں، تُسی لوگ نالے صاف نہیں کرسکدے، صوبہ کس طرح چلائو گے؟
Load/Hide Comments





















