پرائیویسی بارے واٹس ایپ دی پہلی اشتہاری مہم شروع

لہور(پنجابی میڈیا گروپ) پرائیویسی بارے واٹس ایپ دی پہلی اشتہاری مہم شروع کر دتی جس وچ پیغام رسانی لئی استعمال کیتی جان والی ایپلی کیشن واٹس ایپ نے پرائیویسی پالیسی وچ تبدیلی دیاں خبراں توں بعد برطانیہ تے جرمنی وچ اج تون اشتہاری مہم شروع ہو گئی جس دا مقصد لوکاں نوں ایس حوالے نال آگاہی فراہم کرنا اے۔ایہ مہم فی الحال اوہناںدو ملکاں وچ شروع کیتیاں گیاں نیں تے بعدازاں ایس نوں عالمی سطح اُتے وی متعارف کروایا جائے گا۔مہم دا آغاز واٹس ایپ دے قوائد و ضوابط نوں لے کے عوام وچ پائی جان والی تشویش تے شدید ردعمل دے نتیجے وچ کیتا گیا اے۔ کمپنی دے مطابق ایہ مہم صارفین نوں ایس گل دی یاددہانی کروان لئی ڈیزائن کیتی گئی اے کہ واٹس ایپ نوں صارفین دی پرائیویسی دا خیال اے۔رپورٹ دے مطابق واٹس ایپ اینڈ ٹو اینڈ انکرپشن دا استعمال کررہیا اے جس دے مطابق ایپلی کیشن دے پیغامات تھرڈ پارٹی نہیں پڑھ سکے گی بلکہ صرف پیغامات گھلن والا تے وصول کرن والا ہی پڑھ سکے گا۔

اپنا تبصرہ گھلو