ویکسین نہ لگوان والے دی سِم بند کرن دا اعلان
کراچی( پنجابی میڈیا گروپ) سندھ حکومت نے وی ویکسین نہ لگوان والیاں دی موبائل سِم بند کرن دا اعلان کردتا۔کراچی وچ رفیقی شہید اسپتال اندر ویکسین سینٹر دے افتتاح توں بعد میڈیا نال گل بات کر دئیاں ناصر شاہ نے آکھیا کہ جیہڑی ویکسین نہیں لگوائے گا اوس دے موبائل فون دی سِم بند کردتی جائے گی۔اوہناں نے آکھیا کہ ویکسین دے نال احتیاط وی کرنی اے، فائزر ویکسین باہر دے ملک جان والیاں نوں لگائی جارہی اے۔یاد رہے کہ این سی او سی نے ہر شہری لئی کورونا ویکسین نوں لازمی قرار دتا اے تے ایس توں پہلاں پنجاب حکومت نے وی ویکسین نہ لگوان والیاں دی موبائل فون سم بند کرن دا اعلان کیتا اے۔
Load/Hide Comments





















