عمران خان نے ظالم بادشاہاں دی سلطنت قائم کرلئی، بلاول بھٹو
اسلام آباد (پنجابی میڈیا گروپ) پاکستان پیپلزپارٹی دے چیئرمین بلاول بھٹو زرداری نے آکھیا اے کہ عمران خان نے ریاستِ مدینہ دا نعرہ لگاکے ظالم بادشاہاں دی سلطنت قائم کرلئی۔بجٹ وچ عوام دی جیباں توں پیسہ کڈ کے مخصوص سرمایہ داراں نوں ایمنسٹی دتی گئی اے۔ اپنے اک بیان وچ بلاول بھٹو زرداری نے تنخواہ دار طبقے اتے 150 ارب روپے دا انکم ٹیکس لگان دے آئی ایم ایف دے مطالبے نوں رد کردتا۔اوہناں نے آکھیا اے کہ بجٹ 22ـ2021 اک اینج دی دستاویز اے کہ جہدے وچ لوکائی دی جیباں اتے پیسہ کڈ کے مخصوص سرمایہ داراں نوں ایمنسٹی دتی گئی اے۔ چیئرمین پیپلزپارٹی دا مزیدآکھنا سی کہ ملکی تاریخ دی سبھ توں کرپٹ سرکار نے سبھ توں زیادہ ٹیکس لگا کے لوکائی دی جیباں اتے ارباں روپے دا ڈاکہ مارن دا منصوبہ بندی کرلئی اے۔ پی ٹی آئی سرکار اخباری صنعت توں وابستہ افراد دے سفری الاؤنسز تیک اتے ٹیکس لگارہی اے۔ بلاول بھٹو زرداری ہوراں نے مزیدآکھیا اے کہ عمران خان نے ریاستِ مدینہ دا نعرہ لگاکے ظالم بادشاہاں دی سلطنت قائم کرلئی۔





















