کراچی دے خلاف بوہت وڈی سازش ہوئی،شہر تباہ کردتا گیا، چیف جسٹس
کراچی( پنجابی میڈیا گروپ) چیف جسٹس پاکستان گلزار احمد نے ریمارکس دتے کہ سندھ وچ مختیار کار تو وزیر بنے ہوئے نیں۔سپریم کورٹ کراچی رجسٹری وچ سندھ دیاں زمیناں دا ریکارڈ کمپیوٹرائزڈ کرن بارے کیس دی سماعت ہوئی۔جسٹس اعجاز الاحسن ہوراں آکھیا کہ تُسی دو،دو مہینے منگ رہے او مگر سالاں دے سال لنگ گئے2007توں ریکارڈ ہن تک کمپیوٹرائزڈ کیوں نہیں ہوئیا؟ سینئر ممبر بورڈ آف ریونیو نے جواب دتا کہ سوائے ٹھٹھہ ضلع دے سارے ریکارڈ مرتب کرلیا گیا۔چیف جسٹس نے سینئر ممبر بورڈ آف ریونیو پر برہمی دا اظہار کر دئیاں آکھیا کہ تین سال توں ٹھٹھہ دا ریکارڈ مرتب نہ ہونا عجیب گل اے،ہزاراں زمیناں دے تنازعے پیدا ہو رہے نیں،کسی دی زمین کسی نوں الاٹ کر ددیندے نیں تُسیلوگ،زمیناں اُتے قبضے وی ایسی وجہ نال ہو رہے نیں،نا کلاس(NA-Class)کیہ ہندا اے، ایس صدی وچ وی ناکلاس چل رہیا اے،کراچی وچ ناکلاس دے نام اُتے ارباں روپے بنائے جا رہے نیں۔





















