پنجاب : مزاراں اُتے جُتیاں دے پیسے وصول کرنا غیر قنونی قرار
لہور( پنجابی میڈیا گروپ)عدالت نے محکمہ اوقات نوں حکم دتا اے کہ مزاراں اُتے آن والے زائرین توں جُتیاں،پارکنگ تے بیت الخلدے استعمال اُتے کوئی پیسہ وصول نہیں کیتا جائے گا تے عوام نوں ساریاں سہولتان مفت فراہم کیتاں جان۔پنجاب بھر دے مزاراں اُتے جُتیاں دی حفاظت تے بیت الخلا دے استعمال اُتے پیسے وصول کرن دے خلاف درخواست اُتے سماعت ہوئی،چیف جسٹس لہور ہائیکورٹ جسٹس قاسم خان نے ریمارکس وچ آکھیا کہ محکمہ اوقاف درباراں اُتے اپنی سروس دین توں لیز کردا اے، اینج کرن لئی قنون دے مطابق اخباراں وچ اشتہار دینا ضروری اے،اوقاف والے غیر قنونی طور اُتے بیت الخلا تے ہور جگہاں اُتے اپنے بندے بٹھا دیندے نیں، نمازیاں توں وی پاپوش رکھن دے عوض پیسے لیندے نیں، اگر اوقاف عوام نوں اپنی سروس نہیں دے سکدا تے ایس محکمے نوں ختم کردیو۔
Load/Hide Comments





















