سیز فائر دے باوجود اسرائیلی طیاریاں دی غزہ اُتے بمباری

غزہ( پنجابی میڈیا گروپ)پچھلے مہینے ہون والی سیز فائر دے باوجود اسرائیلی طیاریاں نے اک وار فیرغزہ اُتے فضائی بمباری کیتی۔عالمی خبر رساں ادارے دے مطابق اسرائیلی فوج دے ترجمان ولوں جاری بیان وچ آکھیا گیا اے کہ غزہ توں آتش گیر غبارے اسرائیلی زمین اُتے گھلے جان دے جواب وچ لڑاکا طیاریاں نے حماس دے اک کمپاونڈ نوں نشانہ بنا کے تباہ کردتا۔ایس حوالے نال اسرائیلی وزارت خارجہ دا کہنا اے کہ اعلی سطح اُتے اردن نال رابطہ کیتا گیا اے تے غزہ توں آتش گیر غباریاں دے حملے بارے آگاہ کردئیاں ہوئیاں تنبیہ کیتی اے کہ اگر ایجنکارروائیاں جاری رہین گیاں تے سیز فائر معاہدہ ختم کردیاں گے۔

اپنا تبصرہ گھلو