مہنگائی پاروںغریباں داجینا محال،اک ہفتے وچ آٹے دا تھیلا 27روپے مہنگا

اسلام آباد( پنجابی میڈیا گروپ)ادارہ شماریات ولوں جاری اعدادوشمار وچ آکھیا گیا اے کہ کراچی تے حیدر آباد وچ 20کلو آٹے دا تھیلا1300روپے،اسلام آباد وچ1170،راولپنڈی وچ1240روپے،سیالکوٹ وچ1100تے فیصل آباد وچ1120روپے تک وِک رہیا اے۔
ادارہ شماریات دے مطابق پچھلے ہفتے فیصل آباد وچ آٹے دا تھیلا1093روپے تک وکیا ۔ سرگودھا وچ20 روپے مہنگا ہوئیا جس توں بعد ایس علاقے وچ ایس دی قیمت1020روپے تک پہنچ گئی اے۔
بہاولپور اک ہفتے دے دوران آٹے دے تھیلے دی قیمت وچ14روپے ودھیا۔ دکانداراں قیمت1106توں ودھا کے1120روپے تک ویچدے رہے۔
سکھر وچ آٹے دا تھیلا1120،لاڑکانہ وچ1180روپے وچ دستیاب اے۔لاڑکانہ وچ آٹے دا تھیلا اک ہفتے وچ20روپے مہنگا ہوئیا۔
اعدادوشمار دے مطابق پشور وچ آٹے دا تھیلا1100روپے،بنوں وچ1120روپے،کوئٹہ وچ1250روپے تے خضدار وچ1200روپے وِک رہیا اے۔
ادارہ شماریاتدا کہنا اے کہ اسلام آباد وچ آٹے دے تھیلے دی قیمت1170روپے جدکہ راولپنڈی وچ 20کلو آٹے دے تھیلے دی قیمت1240روپے تک اے۔