پی ڈی ایم دے جلسے جلوس بے وقت دی راگنی نیں:عثمان بزدار

لہور( پنجابی میڈیا گروپ)وزیراعلی عثمان بزدار نے آکھیا کہ پی ڈی ایم دے جلسے جلوس بے وقت دی راگنی نیں،وطن عزیز نوں جلسے جلوساں نال اگے نہیں لے جایا جا سکدا۔وزیر اعلی پنجاب عثمان بزدار نے اپنے بیان وچ آکھیا کہ ایس موقع اُتے انتشار پھیلان دی سیاست کرنا ملک تے قوم نال دشمنی دے مترادف اے،احتجاجی سیاست ملک تے قوم دوناں لئی نقصان دہ نیں، اپوزیشن نوں ملک دی ترقی دا احساس نہ عوام دی خوشحالی دا، ایہ بے حس ٹولہ کورونا دے دوران انسانی زندگیاں اُتے وی سیاست چمکاندا رہیا۔عثمان بزدار دا کہنا سی کہ ہن پاکستان دی معیشت جد مضبوط ہو رہی اے تو ایہ عناصر نوا روپ دھار کے سامنے آ رہے نیں،پی ڈی ایم والے اپنی ناکامیاں دا بدلہ پاکستان دے عوام نال لینا چاہندی نیں،قوم بہروپئے سیاستداناں دے عزائم توں بخوبی واقف نیں،عوام مسترد شدہ عناصر دے جھانسے وچ کدی نہیں آن گے۔

اپنا تبصرہ گھلو