پیپلز پارٹی عوامی مینڈیٹ پورا کرن وچ نکام رہی:فرخ حبیب
اسلام آباد( پنجابی میڈیا گروپ)وزیر مملکت برائے اطلاعات فرخ حبیب نے آکھیا اے کہ وفاق ولوں سندھ حکومت نوں ہن تک این ایف سی دی مد وچ1900ارب توں ودھ دتے جا چکے نیں،بلاول دسے اوہ پیسے کیتھے خرچ ہوئے؟اپنے اک بیان وچ فرخ حبیب نے چیئرمین پیپلز پارٹی نوں مخاطب کردئیاں ہوئیاں آکھیا کہ تُسی سندھ حکومت دی غفلت تے لاپرواہی اُتے عوام توں کدوں معافی منگ رہے او؟ سندھ دی عوام نے پیپلز پارٹی نوں جیہڑا مینڈیٹ دتا اوہ پورا کرن وچ بری طرح نکام رہی۔سندھ وچ کر پشن دے نال صلاحیت دا وی فقدان اے۔فرخ حبیب نے آکھیا کہ59فیصد ترقیاتی بجٹ استعمال نہ ہوسکیا،صوبائی حکومت ہدف دے مطابق53فیصد محصولات وی جمع نہیں کر پائی،ایس توں بعد وی حکومت کرن دا کوئی جواز بچدا اے؟پیپلز پارٹی دا انتخابی نشان کرپشن ہونا چاہیدا کیونکہ اوہ ایس دے علاوہ کجھ کرن دے قابل ہی نہیں اے۔
Load/Hide Comments





















