بہناں دا حق مارن والیاں نوں ٹکٹ نہیں دیاں گے،سراج الحق
فیصل آباد(پنجابی میڈیا گروپ) جماعت اسلامی پاکستان دے امیر سراج الحق نے آکھیا اے کہ جہڑا مرد اپنی بہن نوں وراثت وچ حق نہ دیوے الیکشن کمیشن ایس نوں الیکشن نہ لڑن دیوے۔ آئندہ الیکشن وچ جماعت اسلامی کسی اینج دے مرد نوں ٹکٹ نہیں دیوے گی۔ جہڑے بہناں دی وراثت وح حق مارے۔ جماعت اسلامی وچ خواتین نوں اہم مقام حاصل ہے خواتین جماعت اسلامی دے فیصلہ ساز فورمز وچ کلیڈی کردار ادا کر رہیاں نیں۔ جماعت اسلامی نے ملکی تعمیروترقی وچ اہم کردارادا کیتا اے۔ ایہناںخیالات دا اظہار اوہناں نے جماعت اسلامی حلقہ خواتین دی ضلعی ذمہ داران،ممبران شوریٰ،زونل ناظمات، برادر تنظیمات تے اجتماع ارکان دی شرکاء دے نال قرآن انسٹیٹیوٹ وچ خطاب کردیاں ہویاں کیتا۔ ایس موقع اتے جماعت اسلامی دی ضلعی ناظمہ فوزیہ محبوب ،جماعت اسلامی دے ضلعی امیر پروفیسر محبوب الزماںبٹ نے وی خطاب کیتا جدکہ صدر جے آئی یوتھ فریحہ کاشف،نگران حرم فورم رخشندہ آصف ،نگرن میڈیاسیل نصرالاسلام،نگران شعبہ اطفال شائستہ عمر وی موجودسن۔





















