آئی ایم ایف لئی پوری قوم دا مستقبل گروی نہیں رکھ سکدے، وزیر خارجہ

اسلام آباد(پنجابی میڈیا گروپ ) وزیر خارجہ شاہ محمود قریشی نے آکھیا اے کہ آئی ایم ایف لئی پوری قوم دا مستقبل گروی نہیں رکھ سکدے۔ افغانستان وچ داخلی صورتحال تشویشناک اے، ایس ویلے اوتھے مذاکرات اتے کوئی اتفاق وکھائی نہیںدیندا۔ طالبان دے نال تعلقات تعطل دا شکار نیں تے ایہہ صورتحال پریشان کن اے۔ نجی ٹی وی دے نال گل بات کردیاں ہویاں وزیرخارجہ شاہ محمود قریشی ہوراں نے آکھیا کہ افغان رہنما عبداللہ عبداللہ دے نال ترکی وچ بڑی مفید گل بات ہوئی اے۔ ایہناں داآکھنا سی کہ پاکستان برملا آکھ چکیا اے کہ اسیں امن دے شراکت دار آں۔ امن لئی دنیا دے نال تعاون کراں گے۔ اسیں کسی لڑائی دا حصہ نہیں بناں گے۔ ساڈے امریکہ دے نال چنگے تعلقات نیں تے مستقبل و چ وی چنگے تعلقات چاہندے آں۔ پر اسیں پاکستان دے مفاد نوں ویکھدیاں ہویاں فیصلہ کرنے نیں۔

اپنا تبصرہ گھلو