شہبازشریف ایف آئی اے لہور آفس پیش ہو گئے
لہور(پنجابی میڈیا گروپ)شوگر ملز اسکینڈل وچ مسلم لیگ ن دے صدر شہباز شریف ایف آئی اے لہور آفس وچ پیش ہو گئے۔تفصیلات دے مطابق شہباز شریف ماڈل ٹاون توں ایف آئی اے دفتر لئی روانہ ہوئے تے ڈپٹی جنرل سیکرٹری عطا اللہ تارڑ وی ایہناں دے ہمراہ سن۔ ملزم نوں ایف آئی اے ولوں گیارہ وجے صبح طلب کیتا گیا سی۔ لیگی رہنما دی روانگی دے موقع اتے رہائشگاہ دے بار موجود کارکناں نے ایہناں دی گڈی اتے پھولاں دی بارش تے سرکار دے خلاف نعرے بازی کیتی۔ دوجے پاسے شہبازشریف دی پیشی دے موقع اتے ایف آئی اے دفتر دے بار سکیورٹی دے سخت انتظامات کیتے گئے سن۔ چیتے رہوے کہ سیشن کورٹ نے شوگر ملز اسکینڈل وچ اپوزیشن لیڈرقومی اسمبلی شہباز شریف ایہناں دے پتر تے اپوزیشن لیڈرپنجاب اسمبلی حمزہ شہبازنوں عبوری ضمانت دے رکھی اے۔
Load/Hide Comments





















