وزیرخزانہ داآکھنا سی کہ پالیسیاں نے ملک دا بیڑا غرق کردتا اے ، احسن اقبال

اسلام آباد(پنجابی میڈیا گروپ)پاکستان مسلم لیگ ن دے رہنما احسن اقبال داآکھنا اے کہ دو ماہ پہلے وزیرخزانہ داآکھنا سی کہ پالیسیاں نے ملک دا بیڑا غرق کردتا اے ۔ اوہ شوکت ترین سچا سی یا ایہہ شوکت ترین جہڑا جنت دا نقشہ وکھا رہیا سی۔ احسن اقبال نے قومی اسمبلی دے اجلاس دے دوران اظہار خیال کردیاں ہویاں آکھیا اے کہ بجٹ وچ کوئی وی ہدف رکھیا جا سکدا اے۔ اصل گل ہدف حاصل کرن دی صلاحیت ہوندی اے۔ احسن اقبال نے آکھیا اے کہ اسیں سی پیک دے ناں اتے تہان گولڈ مائن دتی سی۔ اوہناں نے مزیدآکھیا اے کہ قرضیاں اتے درس دین والے وزیر صاحب تشریف لے گئے نیں۔ رہنما مسلم لیگ ن نے آکھیا اے کہ چنگی بری سرکاراں آئوندیاں رہندیاں نیں ،سانوں اپنا محاسبہ کرن دی لوڑ اے۔ احسن اقبال ہوراںداآکھناسی کہ اسیں ہنی تیک براہ راست غیر ملکی سرمایہ کاری نوں 2 ارب ڈالر توں اتے نہیں لے جا سکے۔

اپنا تبصرہ گھلو