لہور دھماکے دا ٹارگٹ قنون نافذ کرن والے ادارے سن:آئی جی پنجاب

لہور( پنجابی میڈیا گروپ)انسپکٹر جنرل پولیس پنجاب انعام غنی ہوراں آکھیا کہ لہور دھماکے دا ٹارگٹ پولیس تے قنون نافذ کرن والے ادارے سن۔لہور وچ میڈیا نمائندیاں نال گل بات کر دئیاںآئی جی پنجاب انعام غنی دا کہنا سی کہ جوہر ٹان دھماکے وچ جیہڑا مالی تے جانی نقصان ہوئیا اسیں اوہ تے پورا نہیں کر سکدے لیکن ساڈی کوشش اے کہ ایس وچ جیہڑے لوگ وی ملوث نیں اوہ پکڑے جان، بہت چھیتی اوہناںدے بارے چنگی خبر دیاں گے تے اوہناں نوں کیفر کردار تک پہنچاواں گے۔اک سوال دے جواب وچ انعام غنی ہوراں آکھیا کہ سی ڈی ٹی واقعے دی تحقیقات کر رہی اے،سی ٹی ڈی والے دسن گے کہ دھماکا کسطرح ہوئیا،کیہڑا مواد استعمال کیتا گیا، دھماکا خیز مواد کیتھے نصب سی تے دھماکہ خودکش سی یا ڈیوائس دے ذریعے کیتا گیا۔

اپنا تبصرہ گھلو