دُنیا دا سب توں وڈا کارگو طیارہ اک وار فیر کراچی ایئرپورٹ اُترگیا

کراچی( پنجابی میڈیا گروپ) دُنیا دا سب توں وڈامال بردار طیارے اینتونوف اے این225مریا دی پرواز(اے ڈی بی3859)اج دوپہر 11وج کے27منٹ اُتے کراچی دے جناح انٹرنیشنل ایئرپورٹ اُتے لینڈ کرگئی۔خبراں دے مطابق،دُنیا دا ایہ سب توں وڈا کارگو طیارہ اج سویرے کابل دے حامد کرزئی ایئرپورٹ اُتے موجود سی۔ماضی وچ ایہ روسی ساخت طیارہ افغانستان وچ امریکی تینیٹو افواج نوں سامانِ پہنچان دا کم کردا رہیا اے۔اگست2020توں ایس دی پرواز معطل سی جس توں بعد پچھلے دناںایس دی پرواز دا آغاز کیتا گیا اے۔اینتونوف اے این225پہلی وار20اپریل2018دے دن پہلی وار جناح انٹرنیشنل ایئرپورٹ اُتے اتریا سی ۔دس دتا جائے کہ اینتونوف اے این225دے بازواں دا پھیلا88.4میٹر،اونچائی18.2میٹر تے ٹیک آف دے وقت وزن14لکھ11ہزار پائونڈ تک ہندا اے۔

اپنا تبصرہ گھلو