لہور دھماکا آکھاں کھولن لئی کافی اے، شہباز شریف

لہور(پنجابی میڈیا گروپ)قائد حزب اختلاف شہباز شریف نے لہور دھماکے دی شدید مذمت کردیاں ہویاں قیمتی جاناں دے ضیاع اتے بے حد دکھ تے افسوس دا اظہار کیتا اے ، شہبازشریف نے اپنے بیان وچ آکھیا کہ پنجاب دے دارالحکومت وچ ایہہ واقعہ آکھاں کھولن لئی کافی اے۔ کدوں توںآکھ رہیا واں کہ امن وامان دی وگڑدی ہوئی صورتحال اتے توجہ دا تقاضا کر رہی اے۔ صدر مسلم لیگ ن نے مزیدآکھیا اے کہ اسیں قومی مسائل نوں پس پشت پان توں کم نہیں چلے گا۔ سردمہری تے معاملات ٹالن دی قیمت ملک تے لوکائی نوں ادا کرنا پیندی اے۔ پچھلے وزیراعلیٰ پنجاب نے مزیدآکھیا اے کہ لہو دی فصل پہلاں ای کٹ چکی اے۔ ایس عفریت دا دوبارہ زندہ ہونا نیک شگون نہیں۔ شہباز شریف نے شہدا دے درجات دی بلندی تے اہل خانہ لئی صبر جمیل تے زخمیاں دی جلد صحت یابی دی دعا وی کیتی۔

اپنا تبصرہ گھلو