محالفین حکومت جان دے صرف خواب ہی ویکھن گے:فردوس عاشق
لہور(پنجابی میڈیا گروپ)معاون خصوصی اطلاعات پنجاب ڈاکٹر فردوس عاشق اعوان نے آکھیا اے کہ آصف زرداری ، پرویز الہی ملاقات اتے چائے دی پیالی وچ طوفان لے آن دی کوشش کیتی جارہی اے۔حکومتی مخالفین دے سرکار گران دے خواب ویکھن اتے کوئی پابندی نہیں،تفصیلات دے مطابق ڈاکٹر فردوس عاشق اعوان نے اپنے ٹویٹ وچ آکھیا اے کہ ہر ویلے سرکار گران دے خواب ویکھن والے ایس ملاقات نوں اپنی مرضی دے معنی دے رہے نیں۔ مخالفین ایس ملاقات دی منفی تشریح اپنے ناتمام ارماناں دی تسکین لئی کررہے نیں۔فردوس عاشق اعوان نے مزیدآکھیا اے کہ مسلم لیگ ق تجربہ کار سیاسی جماعت اے، مسلم لیگ ق تحریک انصاف سرکار دی اہم اتحادی اے،مخالفین دے سرکار گران دے خواب ویکھن اتے کوئی پابندی نہیں۔اوہناں نے مزیدآکھیا اے کہ وزیراعظم عمران خان دی قیادت وچ حکومتی کامیابیاں توں پریشان اپوزیشن نوں ہرمحاذ اتے شکست دتی ہن وی اپوزیشن دا تسلی بخش علاج کیتا جاوے گا۔





















