نویں بجٹ وچ کسی ٹیکس چور نوں نہیں چھڈاں گا:وفاقی وزیر خزانہ

اسلام آباد( پنجابی میڈیا گروپ)وفاقی وزیر خزانہ شوکت ترین نے آکھیا اے کہ ہن ایف بی آر دے نوٹسں نوں نظرانداز کرن والیاں نقصان ہوئے گا، نویں بجٹ وچ کسی ٹیکس چور نوں نہیں چھڈاں گا۔میڈیا نال غیر رسمی گل بات کر دئیاں وفاقی وزیر خزانہ نے آکھیا کہ بجٹ وچ383ارب روپے دی بجائے264ارب روپے دے اقدام ہو سکدے نیں، سینیٹ دی خزانہ کمیٹی دے ذریعے کئی شعبیاں نوں ریلیف دتا گیا۔اوہناں دا کہنا ایکہ بجٹ دی مشاورت وچ سینیٹ دی تجویز شامل کیتی گئی اے،یکم جولائی توں ٹیکس اقدام اُتے عملدرآمد شروع ہو جائے گا، نویں بجٹ وچ کسی ٹیکس چور نوں نہیں چھڈاں گا،ٹیکس دے معاملے اُتے سارے فریقیناں نال بیٹھ کے گل کرن لئی تیار واں۔اوہناں دا کہنا سی کہ سارے فریقیاں نال گل کرن توں بعد پالیسی انفورسمنٹ اقدام ہوں گے،ماضی وچ ٹیکس چور ٹیکس نوٹس نظرانداز کرلیندے سن، ہن ایف بی آر دے نوٹس نظرانداز کرن والیاں نقصان ہوئے گا۔وفاقی وزیر خزانہ دا کہنا سی کہ ٹیکس افسر کسی نوں ٹیکس گزار ہراساں نہیں کرسکے گا، نویں بجٹ وچ ٹیکس چور لئی کوئی رعایت نہیں۔

اپنا تبصرہ گھلو