کورونا پاروں کئی ملکاں وچ لاک ڈائون تے پابندیاں سخت

آسٹریلیا(پنجابی میڈیا گروپ )کورونا کیسز وچ اک واری فیئر تیزی آن دے باعث مختلف ملکاں وچ لاک ڈائون نافذ کردتا گیا۔ کئی ملکاں وچ پہلاں توں لگائے گئے لاک ڈائون وچ توسیع کردتی گئی اے۔ آسٹریلیا وچ کرونا وائرس دی بھارتی ڈیلٹا ویرینٹ دے پھیلائو دے باعث سڈنی وچ اج توں دو ہفتیاں دا لاک ڈائون نافذ کردتا گیا اے۔ غیر ملکی خبر ایجنسی دے مطابق آسٹریلوی ریاست نیو ساوتھ ویلز وچ کورونا وائرس دے 10 نئے کیسز ساہمنے آن دے بعد حالیہ مجموعی کیسز دی تعداد 110 ہو گئی اے۔ایدھر نیوزی لینڈ نے وی ویلنگٹن وچ کووڈ 19 الرٹ وچ منگل تیک توسیع کر دتی اے۔نیوزی لینڈ وچ کورونا وائرس دے نال کل اموات دی تعداد صرف 26 اے۔

اپنا تبصرہ گھلو