امریکہ نوں اڈے نہ دینا ،سرکار دی دلیری اے: فردوس عاشق
لہور (پنجابی میڈیا گروپ ) وزیر اعلیٰ پنجاب دی معاون خصوصی فردوس عاشق اعوان نے آکھیا اے کہ ملکی معاملات وچ غیر ملکی قوتا ں دی مداخلت دی کوئی گنجائش نہیں۔ وزیراعظم نے امریکہ نوں اپنی سرزمین نہ دین دا دلیرانہ اعلان کیتا۔تفصیلات دے مطابق معاون خصوصی اطلاعات پنجاب فردوس عاشق اعوان دا ٹویٹر پیغام وچ آکھنا سی کہ دنیا بھر وچ وزیراعظم عمران خان دی بہادری تے امریکہ توں متعلق تگڑا موقف لین دا چرچا ہورہیااے۔ عمران خان دے امریکہ توں متعلق دلیرانہ موقف اتے اپوزیشن نوں سپ سونگھ گیا اے۔ اوہناں نے مزیدآکھیا اے کہ پاکستان عمران خان دی قیادت وچ اپنا کھویا ہویا تشخص فیئر توں حاصل کر رہیااے۔فردوس عاشق ہوراں نے آکھیا کہ بین الاقوامی سطح اتے پاکستان عزت و وقار دا مقام دوبارہ حاصل کررہیا اے کجھ عدالتی مجرم تے بھگوڑے پاکستان دی جگ ہنسائی داباعث بن رہے نیں۔دوجے پاسے اپوزیشن اپنی خفت مٹان لئی نیا بیانیہ گڑھ رہی اے۔





















