کورونا پاروں ہور23افراد جان توں گئے
اسلام آباد(پنجابی میڈیا گروپ ) ملک بھر وچ کورونا دے نال مزید 23 افراد جانوں چلے گئے جد کہ 735 نئے مثبت کیسز رپورٹ ہوئے نیں۔نیشنل کمانڈ اینڈ آپریشن سینٹر ولوں جاری بیان دے مطابق پچھلے 24 گھنٹیاں دے دوران ملک وچ کورونا دی تشخیص لئی41 ہزار 133 ٹیسٹ کیتے گئے جہناںوچوں 735 افراد وچ کورونا وائرس دی تصدیق ہوئی۔ ایس طرحاں کورونا دے مثبت کیسز دی شرح 1.78 فیصد رہی۔ملک وچ ہن تیک کورونا دے مصدقہ مثبت کیسز دی تعداد 956,392 ہوگئی اے جہناںوچوں 901,985 مریض شفایاب ہو چکے نیں۔ پچھلے روز ایس وبا نے مزید 23 افراد دی زندگیاں نوں نگل لیا۔ ایس طرحاں ملک وچ ہن تیک اس وبا توں جاں بحق افراد دی مجموعی تعداد 22 ہزار 254 ہوگئی اے۔
Load/Hide Comments





















