ٍملک جوڈیشل ایکٹوازم ہتھوں ارباں ڈالر نقصان برداشت کر رہیا اے ، فواد چوہدری

اسلام آباد(پنجابی میڈیا گروپ ) وفاقی وزیر اطلاعات و نشریات فواد چوہدری نے آکھیا اے کہ ٍملک جوڈیشل ایکٹوازم دے ہتھوں ارباں ڈالر دے نقصان برداشت کر رہیا اے ، بدھ دے روز ٹوئٹر اکائونٹ اتے اپنے اک بیان وچ فوادچودھری نے آکھیا اے کہ عدالتی اصلاحات نہ کیتیاں گیاں تے ملک اقتصادی بحران توں کدی بار نہیں نکل سکے گا۔ پچھلے روز ٹک ٹاک اتے پابندی لگان تے نیشنل بینک دے صدر نوں ہٹان دے فیصلے پڑھ کے سرچکرا گیا اے کہ ساڈی عدالتاں کیہ کررہیاں نیں ؟پہلاں ای ایہہ ملک اینج دے جوڈیشل ایکٹوازم دے ہتھوں ارباں ڈالر دے نقصان برداشت کر رہیا اے۔ اک ہور ٹوئٹ وچ فوادچودھری نے مزیدآکھیا اے کہ کینیڈا وچ چندہفتے پہلاں اک پاکستانی فیملی نوں نسل پرستانہ حملے وچ شہید کیتا گیا ہن دوبارہ ساسکرتون شہر وچ اک ہور شہری کاشف اتے انتہا پسنداں نے خنجراں دے نال حملہ کیتا اے۔ اوہناں نے آکھیا کہ مغربی معاشرے وچ اسلامو فوبیا دے ودھدے واقعات اتے تشویش اے۔

اپنا تبصرہ گھلو