اسلام آباد: کورونا پابندیاں وچ نرمی دا نوٹیفکیشن جاری کر دتا گیا
اسلام آباد (بیورو رپورٹ ) اسلام آباد انتظامیہ نے کورونا توں متعلق عائد پابندیاں وچ نرمی کردتی اے۔ جہدے تحت سینما گھر، تفریحی پارکس، سوئمنگ پولز تے واٹر پارکس کھولن تے انڈور تے آوٹ ڈور شادیاں دی مشروط اجازت دتی گئی اے۔اسلام آباد انتظامیہ ولوں جاری نوٹیفیکیشن دے مطابق سارے انڈور تے آؤٹ ڈور اجتماعات اتے پابندی ہووے گی تاہم انڈور شادیاں وچ ویکسینیٹڈ 200 افراد دے نال اجتماعات دی اجازت ہووے گی۔ آؤٹ ڈور شادیاںدے اجتماعات وچ 400 افراد دی گنجائش دے نال اجازت ہووے گی۔ جاری نوٹیفکیشن دے مطابق انڈور تے آئوٹ ڈور کھانیاں دی رات 12وجے تیک اجازت ہو وے گی۔
نوٹیفیکیشن دے مطابق سارے مزارات نوں ایس او پیز دے نال کھلن دی اجازت ہو وے گی۔سارے پبلک تے پرائیوٹ دفاتر وچ 100 فیصد عملے دے نال کم کرن دی اجازت دتی گئی اے۔
Load/Hide Comments





















