پاکستان وچ کورونا پاروں مزید 27 افراد جانوں چلے گئے
اسلام آباد( بیورورپورٹ ) پاکستان وچ کورونا پاروں مزید 27 افراد جانوں چلے گئے جدکہ 979 نئے مثبت کیسز رپورٹ ہوئے نیں۔نیشنل کمانڈ اینڈ آپریشن سینٹر ولوںجاری بیان دے مطابق پچھلے 24 گھنٹیاں دے دوران ملک وچ کورونا دی تشخیص لئی 42 ہزار 062 ٹیسٹ کیتے گئے جہناں وچوں 979 افراد وچ کورونا وائرس دی تصدیق ہوئی۔ملک وچ ہن تیک کورونا دے مصدقہ مثبت کیسز دی تعداد 957,371 ہوگئی اے جہناںوچوں 903,484 مریض شفایاب ہو چکے نیں۔ پچھلے روز ایس وبا نے مزید 27افراد دی زندگیاں نوں نگل لیا۔ ایس طرحاں ملک وچ ہن تیک ایس وبا پاروں جاں بحق افراد دی مجموعی تعداد 22 ہزار 281 ہوگئی اے۔
Load/Hide Comments





















