172 ممبران پورا کرن لئی سرکار دی دوڑاں سبھ نے دیکھیاں: بلاول بھٹو
اسلام آباد(بیورورپورٹ)چیئرمین پاکستان پیپلزپارٹی بلاول بھٹو نے بجٹ نوں معاشی تباہی دا بجٹ قرار دے دتا۔ اوہناں نے آکھیا اے کہ پی پی بجٹ رد کردی اے۔ 172 ممبران پورا کرن لئی سرکار دی دوڑاں سبھ نے دیکھیاں۔اگر دھاندلی نہ ہوندی تے مطلوبہ ووٹ پورے نہیں سن۔ بجٹ اجلاس لوکائی لئی بے عزتی کا باعث بنیا۔ قومی اسمبلی اجلاس توں چیئرمین پیپلزپارٹی بلاول بھٹو نے اظہار خیال کردیاں ہویاں آکھیا اے کہ بجٹ اجلاس ہر پاکستانی لئی شرمندگی دا باعث بن چکیا۔ ہر ممبر دا حق اے کہ اپنا ووٹ ریکارڈ اتے لے کے آئے۔ جناب اسپیکر !تساں پچھلے روز ساڈے کولوں ساڈا حق کھویا۔ کل بجٹ پراسیس دا اہم ترین دن سی ،کون جاندا سی ایہہ بجٹ اجلاس معاشی تباہی دا بجٹ اے۔ اسپیکرصاحب نے پورا موقع دتاسرکار اپنے 172 ممبران دی تعداد پوری کرسکے، فنانس بل دی حتمی منظوری اتے ووٹنگ نہیں کرائی گئی، بدقسمتی دے نال اپوزیشن ارکان دی تعداد وی گٹھ سی۔





















