پی سی ایس آئی آر فیز ٹو دے اک گھر توں میاں بیوی دی لاش برآمد
لہور(پنجابی میڈیا گروپ)صوبائی دارالحکومت لہور دے علاقہ نواب ٹائون وچ واقع اک گھر توں میاں بیوی دی لاش برآمد ہوئی ،لہور وچ پولیس نے نواب ٹائون دے علاقے پی سی ایس آئی آر فیز2وچ واقع اک گھر توں میاں بیوی دی لاش برآمد ہوئی۔ہلاک ہون والے میاں بیوی دی شناخت26حسن تے24سالہ کائنات دے نام توں ہوئی۔
لاشاں نوں ضابطے دی کارروائی لئی قریبی ہسپتال منتقل کردتا گیا اے۔پولیس دا کہنا اے کہ حسن سول انجینئر سی جیہڑا والد دی کمپنی وچ کم کردا سی،حسن دی چھ مہینے پہلاں اپنے ماموں دی بیٹی کائنات نال شادی ہوئی سی،کائنات سیالکوٹ دی رہن والی سی دوناں دیاں لاشاں الگ الگ کمریاں توں برآمد ہوئیاں،حسن دی لاش پکھے نال لٹک رہی سی تے بیوی دُوجے کمرے وچ بیڈ اُتے مردہ حالت وچ پائی گئی،
Load/Hide Comments





















