سندھ ہائیکورٹ ولوں پی ٹی اے نوں ٹک ٹاک بحال کرن دا حکم
کراچی( پنجابی میڈیا گروپ)سندھ ہائی کورٹ نے ٹک ٹاک اُتے پابندی دا فیصلہ واپس لے لیا۔
ہائیکورٹ نے پاکستان ٹیلی کمیو نی کیشن اتھارٹی(پی ٹی اے)نوں ٹک ٹاک بحال کرن دا حکم دے دتا، عدالت نے فیصلہ پی ٹی اے دی متفرق درخواست اُتے دتا جس وچ ٹک ٹاک اُتے حکم امتناع ہٹان دی استدعا کیتی گئی سی۔
ہائیکورٹ نے پی ٹی اے نوں ہدایت کیتی کہ شکایت کنندہ دی درخواست اُتے5جولائی تک فیصلہ کرے۔عدالت نے پی ٹی اے نوں ایل جی بی ٹی باریدرخواستاں وی چھیتی نمٹان دا حکم دتا۔
پی ٹی اے حکام نے یقین دہانی کرائی کہ شکایت کنندہ دی فحش مواد بارے درخواست اُتے5جولائی تک فیصلہ کردین گے۔ عدالت نے سماعت5جولائی لئی ملتوی کردتی۔
واضح رہے کہ سندھ ہائیکورٹ نے28جون نوں ٹک ٹاک معطل کرن دا حکم دیا سی جس دی روشنی وچ پی ٹی اے نے30جون نوں ٹک ٹاک ملک وچ بند کر دتا سی،لیکن اج پی ٹی اے نے ہائی کورٹ توں حکم امتناعی واپس لین دی استدعا کیتی۔





















