اسرائیلی طیاریاںدی تیجی وار غزہ اُتے شدید بمباری

غزہ( پنجابی میڈیا گروپ)اسرائیل دے جبگی طیاریاں نے سیز فائر توں بعد تیجی وار غزہ دی پٹی اُتے شدید بمباری کیتی جس وچ حماس دے اسلحہ ساز کارخانے تے ٹریننگ سینٹر نوں تباہ کرن دا دعوی کیتا گیا اے۔عالمی خبر رساں ادارے دے مطابق اسرائیل تے حماس دے درمیان طے پان والی جنگ بندی دے معاہدے دے باوجود اسرائیلی طیاریاں نے تیجی وار غزہ دی پٹی اُتے اک عمارت تے اک کمپاونڈ اُتے شدید بمباری کیتی۔اسرائیلی فوج دے ترجمان دا کہنا اے کہ ایہ کارروائی غزہ توں آتش گیر غبارے گھلن دے جواب وچ کیتی گئی۔ فضائی بمباری وچ حماس دے اسلحہ ساز کارخانے تے ٹریننگ سینٹر نوں تباہ کردتا گیا۔ فضائی حملے وچ کوئی جانی نقصان نہیں ہوئیا۔

اپنا تبصرہ گھلو