کورونا پاروں 17افراد جان توں گئے

اسلام آباد(پنجابی میڈیا گروپ )ملک وچ کرونا پاروں 17افراد جانوں چلے گئے ،پچھلے 24 گھنٹیاں دے دوران کورونادے 1517 نئے کیسز رپورٹ ہوئے نیں۔نیشنل کمانڈ اینڈ آپریشن سینٹر ولوں جاری بیان دے مطابق پچھلے 24 گھنٹیاں دے دوران ملک وچ کورونا دی تشخیص لئی 46ہزار 287 ٹیسٹ کیتے گئے جہناںوچوں 1517 افراد وچ کورونا وائرس دی تصدیق ہوئی۔ملک وچ ہن تیک کورونا دے مصدقہ مثبت کیسز دی تعداد 966,007 ہوگئی اے جہناںوچوں 909,525 مریض شفایاب ہو چکے نیں۔ پچھلے روز ایس وبا نے مزید 17افراد دی زندگیاں نوں نگل لیا۔ ایس طرحاں ملک وچ ہن تیک ایس وبا توں جاں بحق افراد دی مجموعی تعداد 22 ہزار 469 ہوگئی اے۔ جد کہ مثبت کیسز دی شرح 3.27 فیصد اے۔دوجے پاسے نیشنل کمانڈ اینڈ آپریشن سنٹر ولوں ایہہ گل وی ساہمنے آئی اے کہ تن ہفتے بعد کرونا دے مثبت کیسز دی شرح تن فیصد توں ودھ گئی اے۔

اپنا تبصرہ گھلو