کورونا دے دوران ٹیکنالوجی دا استعمال بوہت کار آمد رہیا، اسد عمر
اسلام آباد(پنجابی میڈیا گروپ )وفاقی وزیر برائے منصوبہ بندی و ترقی، امور خاص اسد عمر دا آکھنا اے کہ کورونا وبا دے دوران ٹیکنالوجی دا استعمال بوہت کارآمد رہیا، مریضاں دا ڈیٹا اکٹھا کرنااک وڈا چیلنج سی۔پنجاب یونیورسٹی وچ وفاقی وزیر اسد عمر کورونا وبا وچ گورننس نوں درپیش چیلنجر اتے قومی کانفرنس وچ ویڈیو لنک دے ذریعے شریک ہوئے تے خطاب کیتا۔ایس موقع اتے وفاقی وزیر منصوبہ بندی اسد عمر ہوراںنے آکھیا اے کہ کووڈ بحران وچ مشکل تے وڈے فیصلے کرنا پے ،کووڈ وچ معاشی صورتحال نوں مستحکم رکھنا اک وڈا چیلنج سی۔ وفاقی وزیرنے مزیدآکھیا اے کہ کرونا دے کنفرم مریضاں داڈیٹا اکٹھا کرنا وی اک چیلنج توں گٹھ نہیں سی۔ ٹیکنالوجی دا استعمال بوہت کم آیا۔اوہناں نے مزید آکھیاکہ عوامی مدد دے بغیر کوئی وی سرکار ایس وبا نوں کنٹرول نہیں کر سکدی سی۔
Load/Hide Comments





















