تباہ کن لوڈ شیڈنگ پاروں اندھیرے دوبارہ آگئے، شہباز شریف

فیصل آباد(پنجابی میڈیا گروپ)مسلم لیگ نون دے صدر تے قومی اسمبلی وچ قائدِ حزبِ اختلاف میاں شہباز شریف داآکھنا اے کہ پاکستان وچ تباہ کن لوڈ شیڈنگ اے، اج اندھیرے دوبارہ آ گئے نیں۔فیصل آباد وچ پچھلے وزیراعلیٰ پنجاب شہباز شریف نے میڈیا دے نال گل بات کردیاں ہویاں آکھیا اے کہ پچھلے وزیرمملکت عابد شیر علی دی اہلیہ دی وفات اتے تعزیت لئی آیا واں۔ اوہناں نے آکھیا اے کہ مہنگائی نے عام لوکائی دی زندگی اجیرن کردتی اے۔ چھ افراد دے کنبے نوں ا ویلے دی روٹی مہیا کرنا ناممکن ہوگئی اے۔ ملک وچ بے روزگاری انتہا اتے اے۔ شہبازشریف داآکھنا سی کہ ملک وچ سرکار ناں دی کوئی چیر نظر نہیں آرہی اے۔ غریب لئی گوشت خریدنا ناممکن ہو گیا اے، پورا ملک مہنگائی دے بوجھ تلے بلبلا رہیااے ۔اوہناں نے مزیدآکھیا اے کہ حکومتی وزراء نے آکھیا اے کہ نوازشریف دور وچ فالتو بجلی لگائی گئی تے اج لوڈشیڈنگ کیوں اے؟نوازشریف دور وچ 20-20 گھنٹے دی لوڈ شیڈنگ ختم ہو چکی سی۔اج تباہ کن لوڈ شیڈنگ اے، اندھیرے دوبارہ آگئے۔

اپنا تبصرہ گھلو