ساڈے اُتے انگلیاں چُکن والا امریکہ آکھ رہیا کہ پاکستان ساڈا مدد گار اے:شاہ محمود قریشی

اسلام آباد(پنجابی میڈیا گروپ ) وزیر خارجہ شاہ محمود قریشی نے آکھیا اے کہ اسیں اکیلے افغانستان دے ٹھیکیدار نہیں، ساڈے اتے انگلیاں چکن والا امریکہ آکھ رہیا کہ پاکستان ساڈا مددگار تے تعمیری شراکت دار اے۔افغانستان دی صورتحال سنگین ہو رہی اے جہڑے ایس نوں ذمہ دار پاکستان نوں نہیں ٹھہرانا چاہندے۔وزیر خارجہ شاہ محمود قریشی داآکھنا اے کہ سیاسی رہنمائواں دی رائے سی کہ افغان صورتحال اتے سکیورٹی ادارے اعتماد وچ لین۔قومی سلامتی کمیٹی اجلاس وچ آرمی چیف تے ڈی جی آئی ایس آئی نے بریفنگ دتی، آرمی چیف تے ڈی جی آئی ایس آئی نے کمیٹی اجلاس وچ سوالاں دے جواب وی دتے، عید توں پہلاں قومی سلامتی کمیٹی د ی اک نشست ہور کراں گے۔شاہ محمود قریشی داآکھنا سی تاثر دتا جاندا اے کہ پاکستان دنیا وچ تنہا اے جہڑا کہ درست نہیں اے۔ ترجمان امریکی وزارت خارجہ نے آکھیا اے کہ پاکستان ساڈا مدد گار تے تعمیری شراکت دار اے۔ایہہ امریکہ آکھ رہیا اے جہڑا ساڈے اتے انگلی چکدا سی۔ا سیں اکیلے افغانستان دے ٹھیکیدار نہیں،اج افغانستان وچ ساڈی منزل اک ہے یعنی افغانستان دا امن واستحکام، اوہناں نے آکھیا اے کہ پاکستان دے نال شراکت داری صرف افغانستان تیک محدود نہیں۔ ایہہ تعلقات افغانستان توں اگے جان گے۔ وزیرخارجہ نے مزیدآکھیا اے کہ امریکہ نے آکھیا اے کہ انخلا 31اگست تیک مکمل ہوجاوے گا۔ اک دلچسپ تبدیلی ویکھ رہیا واں۔ بین الاقوامی کردار ایس گل اتے قائل ہو چکے نیں کہ افغانستان دا فوجی حل نہیں۔ ایہوی عمران خان نے آکھیا تے ایہناں طالبان خان ٰآکھیا گیا۔ اج دنیا وی ایس نتیجے اتے اپڑ ی اے کہ واحد حل امن تے مفاہمت ای اے۔

اپنا تبصرہ گھلو