احسن اقبال نے شہبازگل نوںٹوئٹر اُتے خموش کر دتا

اسلام آباد (پنجابی میڈیا گروپ)مسلم لیگ (ن) دے سینئر رہنما احسن اقبال تے وزیر اعظم دے معاون خصوصی شہباز گل ٹوئٹر اتے آمنے ساہمنے آگئے تے اک دوجے اتے الزامات عائد کردے رہے،لیگی رہنما دے جواب دے بعد شہباز گل دا ٹوئٹر خاموش ہوگیا۔اتوار دے روز احسن اقبال نے ٹوئٹر پیغام وچ آکھیا اے کہ میرا گناہ کھیل دے میدان بنانا سی،نارووال سپورٹس سٹی کرکٹ سٹیڈیم جتھے اپریل 2018 وچ پاکستان دی کرکٹ ٹیم نمائشی میچ کھیل کر گئی ہن بھوت بنگلہ دا نظارہ پیش کر رہیااے کھیڈاں دا میدان بنانا جرم اے یا اجاڑنا؟نارروال سپورٹس سٹی دا منصوبہ جس نوں اسلام ہائیکورٹ نے عوامی مفاددا منصوبہ قرار دتا اے تے سینکڑاں نوجوان کھلاڑی بہترین کوچز دی نگرانی وچ تربیت پا چکے سن۔ اج بھوت بنگلہ دا نظارہ پیش کررہی اے۔ عمران نیازی دی سیاسی انتقام دی اگ نے ایس نوں بھسم کرکے رکھ دتا اے۔ ایہدے اتے وزیراعظم دے معاون خصوصی شہباز گل نے آکھیا تہاڈا گناہ کھیل دے میدان دے منصوبے وچ کروڑاں دا نقصان پہنچانا اے۔ جہدے جواب وچ احسن اقبال نے جوابی ٹوئٹ وچآکھیا اے کہ جاہل سرکار دے ترجمان وی جاہل نیں۔ ٹھیکے دین توں وزارت منصوبہ بندی دا کوئی تعلق نہیں ہوندا۔

اپنا تبصرہ گھلو