نیب ولوں سابق وزیرخزانہ حفیظ شیخ دے خلاف ریفرنس دی سفارش
اسلام آباد( پنجابی میڈیا گروپ)نیب دا کہنا اے کہ سابق وزیر خزانہ عبدالحفیظ شیخ،سابق چیئر مین ایف بی آر عبداللہ یوسف،سابقہ چیئرمین ایف بی آر سلمان صدیق تے ہوراں اختیارات دے ناجائز استعمال وچ ملوث ملزمان ہیں۔
میڈیا دے مطابق نیب کراچی دے ڈائریکٹر جنرل ڈاکٹر نجف قلی مرزا دی سربراہی وچ نیب کراچی دے ریجنل بورڈ دا اجلاس ہوئیا، جس مختلف شکایتاں،انکوائریاں تے تفتیشاں اُتے تبادلہ خیال کیتا گیا،جد کہ ریجنل بورڈ نے2ریفرنسز دائر کرن تے2 شکایتاںنوں انکوائریاں وچ تبدیل کرن دی سفارش کیتی،تے نیب دا کہنا اے کہ اوہناں ساریاں منظور شدہ مقدمیاں وچ خزانے نوںکروڑاں روپے دا نقصان پہنچایاگیا سی۔
نیب دے مطابق بورڈ نے لینڈ یوٹیلائزیشن ڈپارٹمنٹ،بورڈ آف ریونیو دے افسراں تے عہدیداراں تے ہوراں دے خلاف ریفرنس دائر کرن دی سفارش کیتی،سابق ممبر لینڈ یوٹیلائزیشن ڈپارٹمنٹ ملزم غلام مصطفی پھل،ڈپٹی کمشنر تے ا ی ڈی او آصف میمن تے ہور قیمتی سرکاری زمین نوں کوڈئیاں دی نرخ غیر قنونی الاٹمنٹ تے اختیارات دے ناجائز استعمال وچ ملوث اے،ملزمان نے خزانے نوںکروڑاں روپے دا نقصان پہنچایا۔





















