نیب:ساڈے خلاف دھیلے دی وی کرپشن ثابت نہیں کرسکیا،شہبازشریف

لہور( پنجابی میڈیا گروپ)اپوزیشن لیڈر میاں شہباز شریف ہوراں آکھیاکہ پچھلے3ورھیاں وچ نیب نیازی گٹھ جوڑ پاور پراجیکٹ دیاں تحقیقات کردا رہیا لیکن دھیلے دی کرپشن ثابت نہیں ہوئی۔
لہور وچ پریس کانفرنس دے دوران اوہناں آکھیاکہ دس،دس گھنٹے دی لوڈ شیڈنگ ہو رہی اے،کیا ایہ اے نیا پاکستان؟گزریا زمانہ واپس نہیں آئوندا لیکن عمران خان پرانا دور واپس لے آئے،حکومت نے اپنے چہیتیاں نوں فرٹیلائزر دین دی وجہ نال گیس معاہدہ نہیں کیتا۔
میاں شہباز شریف دا کہنا سیکہ توانائی منصوبیاں وچ ساڈی حکومت نے250ارب قوم دی بچت کیتی۔دُنیا دی تریخ وچ سب توںگھٹ مدت وچ منصوبیاں نوں مکمل کیتا گیا۔نواز شریف توانائی منصوبے لا کے امر ہو گئے۔نواز شریف دور وچ لوڈشیڈنگ ختم کرنا کوئی آسان کم نہیں،ایہ اک معجزہ سی۔
لیگی قائد نے آکھیا کہ پچھلے تین سالاں وچ بدترین کرپشن ہوئی تے قوم نوں بے دردی دے نال دوناں ہتھاں نال لُٹیا گیا۔عمران خان نے لکھاں لوکاں نوںبے روزگار کر دتا۔
اوہناںدا کہنا سی کہ اج فیر کہنا واںکہ ایہ پاور پلانٹس دُنیا دے سستے ترین نیں۔بیانات دی روشنی وچ فیصلہ کیتا جائے کون سچا تیکون جھوٹا اے۔ عمران خان نے کئی وارآکھیا کہ(ن)لیگ حکومت نے ودھ بتی پیدا کیتی۔اسیں دنیا دی تریخ وچ سب توں گھٹ مدت وچ منصوبے مکمل کیتے۔

اپنا تبصرہ گھلو