قابل اعتماد ادارے”سٹیپ”دے طالب علماں فیر میدان مار لیا
لہور( پنجابی میڈیا گروپ)انٹری ٹیسٹ دی تیاری کران والے قابل اعتماد ادارے”سٹیپ”دے طالب علماں فیر میدان مار لیا، ای کیٹ 2021وچ پہلے تیناں پوزیشن”سٹیپ”دے طالب علماں دے نام رہے۔ای کیٹ2021دے امتحان وچ پہلی پوزیشن دا تاج لہور ٹائون شپ دے ہونہار طالب علم محمد حاشر دے سر اُتے سجیا۔حاشر نے400وچوں365نمبر لے کر ایہ اعزازحاصل کیتا۔ محمد حاشر نے ای کیٹ دی تیاری لئی سٹیپ دے الیکشناںنوں باعث فخر قرار دتا۔بیٹے دی شاندار کامیابی اُتے والدین ویسٹیپ دے مشکور نظر آئے۔
ای کیٹ وچدُوجی پوزیشن مجتبی عمر نے حاصل کیتی،348نمبر حاصل کرن والے مجتبی عمر نے پنجاب گروپ آف کالج توں ایف ایس سی پری انجینئرنگ مکمل کیتی۔مجتبی عمر دا کہنا سی کووڈ دے دوران انٹری ٹیسٹ دی تیاری لئی سٹیپ آن لائن سسٹم توں بہتر کوئی ادارہ نہیں،مجتبی دے والدین نے وی سٹیپ دے استاداں نوں بیٹے دی کامیابی دا زینہ قرار دتا۔
ای کیٹ دے امتحان وچ سٹیپ دے طالبعلم عمیر احمد نے تیجی پوزیشن حاصل کر کے والدین دا سرفخر نال بلند کر دتا۔فیصل آباد توں تعلق رکھن والے عمیر نے345نمبر حاصل کیتے۔عمیر احمد نے وی وڈا سنگ میل عبور کرن دا کریڈٹ سٹیپ توں تیاری نوں دتا۔کوالیفائیڈ استاداں دی ٹیم،جدید ٹیکنیکس دا استعمال،طلبہ دی اسٹیپ بائی اسٹیپ رہنمائی سٹیپ دا خاصہ اے۔ایہی وجہ اے کہ پچھلے تین سالاں توں سٹیپ دے طالب علماں ای کیٹ وچ ٹاپ پوزیشن سمیٹ رہے نیں۔





















